MPL Under 18 A thiam pahnih a hriat dawn

Mizoram Premier League Under 18 semifinal chu zanin hian Lammualah khelh a ni dawn. Dar 5:30-ah Chhinga Veng leh Chanmari an inkhel ang a, dar 7:30-ah Aizawl FC leh Mizoram Police an inkhel zui bawk ang. MPL kum bithliah inelnaa semifinalist leh MPL7-a sang pali te hi an inang chiah a, inhmachhawn turte pawh a inang chiah bawk.

League round-ah Chhinga Veng hian hneh loh an tawng lo a, point 19 hmuin pakhatna an ni a, zanina an khingpui tur Chanmari hi 2-0 in an hneh tawh a, final lut tur chauh ni loin champion tura rinkai an ni.

Chanmari tan goal khung thiam Chhinga Veng lakah tlarhnung rem phui a pawimawh dawn. Chanmarians hi an chunga awm Electric Veng-in dan an bawhchhiat avanga semifinal khel thei chauh an ni a, Chhingcows hneh turin vanneihna an mamawh ang.

Semifinal hnuhnung zawka inlan tur Aizawl FC-in match sarih an khelh aṭangin goal 23 an khung thei a, goal khung tam ber an ni. AFC khingpui tur Mizoram Police hian goal ruk an chhuah a, amaherawhchu footballer ṭha ṭhahnem tak chher chhuak tawhtu coach Lalramhluna enkawl an ni a, dah hniam ngawt a rem lo.

MPL Under 18 final hi November 22, Ningani chawhnu dar 2:00 hian RG Stadium, Mualpuiah khelh tur a ni.

November 20 , Thawhlehni
Chhinga Veng FC 5:30 PM Chanmari FC
Aizawl FC 7:30 PM Mizoram Police FC