Mizoram pahnihna

1st India Cup Open International Taekwondo Championship chu November 16-18 chhung khan Silchar-ah neih a ni a, gold medal 30 latu Mizoram chu a pumpuiah pahnihna an ni a, an chungah Assam chiah an awm - state ṭhenawm Manipur chu pathumna an ni thung.

Mizoram hi Best Kyorugi Team atan thlan an nih bakah, mimal chawimawina Best Poomsae Award (Daniel Lalhumthanga, Chhinga Veng leh Arjun Pandey, Armed Veng S), Best Poomsae Player (Lalfakzuala, Hlimen) leh Youngest Player Award (Zaihruaimawii, Mission Vengthlang) te hnenah hlan a ni bawk.

Mizoram Amateur Taekwondo Association chuan inelna hmachhawn tur hian sub junior, cadet leh junior team a tir a, gold medal 30 bakah silver medal pariat leh bronze medal 12 an la a ni.