Sunfeast Cup an ṭan

Mizoram Football Association leh SPT Sports buatsaih Sunfeast Cup 2018 chu nimin khan Rajiv Gandhi Stadium-ah khelh ṭan a ni a, vawiin hian Republic Veng Khelmualah khelh chhunzawm a ni ang.

Inelna hi Under 13 leh Under 15 bakah hmeichhe category siam a ni a, mipa inelnaah hian team 32 ve ve telin hmeichhe inelnaah MFA Grassroots leh MFA Junior Girls chiah an tel thung.

November 23, Zirtawpni hian inelna kharna hun hi neih a ni dawn a, category pathuma final ṭheuh hi khelh tur a ni. Mizorama champion te hian Guwahati-ah inelna sang zawk an hmachhawn leh ang.