Blasters defender hlui Falvey a chawl

Indian Super League hmasa bera Kerala Blasters tana inlan Colin Falvey chuan inkhelh a chawlhsan thu a puang a, kum 34 mi centre back hi khelmualah kan hmu tawh dawn lo. 

English club Gilling-ham leh Carlisle United youth team aṭanga a career ṭan Falvey hian an ram Ireland, New Zealand, USA leh Canada club-ah te a khel kual a, kum 17 zet professional niin a hun a hmang - a hun tawp chu USL League One club Chattanooga Red Wolves SC-ah a hmang a ni. 

Irish centre back chuan, "Professional nichunga match khat lek khelh theih pawh a ropui a, khawvel hmun hrang hranga match 350 chuang khelh theih phei chu a ropui lehzual a ni," tiin a career-a a lawm thu a sawi. 

Hetihlai hian zanin dar 7:30-ah ISL match khat a awm dawn a, Mumbai City chuan Isaac Vanmalsawma khelhna Jamshedpur FC an mikhual ang.