Legrand Cup an chhunzawm zel

Legrand Cup, MFA Futsal 2021-22 Season Opening Tournament chu Lammualah khelh chhunzawm zel a ni a, vawiin hian a ni thumna khelh a ni ang. Inelna hi category pahnih Futsal League leh Division 1 angin kalpui a ni a, team 16 leh team 62 an awm.

Futsal League hi group paliah ṭhen an ni a, vawi khat ṭheuh an inkhelh kual hnuah a sang berin semifinal an lut dawn. Divison 1 erawh team 62 zet an awm avangin group 16-ah ṭhen an ni ang a, a sang ber ṭheuhin last 16 an lut ang.

Season Opening Tournament hi Eastern Electricals-in an sponsor a, anni bakah hian official partners-ah Mizoram Youth Commission leh MiSDA-te an ni a, co sponsors hi Aizawl Bakers Stop (Dawrpui) leh VL Machinery Tools (Dawrpui, Jail Veng) an awm bawk a ni.