Davies-a'n training a zawm

Bayern Munich defender Alphonso Davies chuan a lung lam ṭhat loh avanga January thla aṭanga a chawlh hnuah training a zawm.

Canadian full back Davies hi Covid-19 a kai hnuah a lungah harsatna a tawk a, uluk taka enkawl a ṭul. Bayern manager Julian Nagelsmann chuan, "Davies hi a lungah vung a awm a, tunah chuan a reh tawh," tiin a ṭhat tawh thu a sawi.

Kum 21 mi Davies hi chhawr nghal theih erawh a ni dawn lo. Bayern Munich chuan, "Kar thum aṭanga kar li vel chu ngai awh turin a mamawh ang. A exercise lak dan tur pawh uluk taka duan a ni," tiin thuchhuah an siam.

Bayern hi kar liam ta khan Hoffenheim nen 1-1 in an inhnehtawk a, tunkar tawp March 19, Inrinni zan hian Union Berlin an mikhual ang.