Rawlthar duhawm Wirtz a inhliam

Bayer Leverkusen midfielder Florian Wirtz chu khup hliam vangin hun rei tak a chawlh a ṭul dawn. Kartawp khan Leverkusen-in Cologne an hneh lo a, Wirtz hi minute 27-naah khup vei lam hliam vangin lakchhuah a ni.

Kum 18 mi Wirtz hian tun season Bundesliga-ah assist vawi 10 a nei tawh a, assist ngah ber dawttu a ni a, Germany internatonal hian goal sarih a khung tawh bawk.

Wirtz hi talent nei ṭha bik a nih avangin club lian zawk Manchester United, Liverpool leh Newcastle United nen te pawh sawi zawm a ni a, a hmabak êng tak hi a inhliam hian ti ṭhuanawp ang tih a hlauhawm hle.