Kvitova hnehtu Sakkari

Maria Sakkari chuan darkar khat leh minute ruk chhunga Petra Kvitova hnehin Indian Wells-ah last 16 a inhlangkai, a match lehpekah chuan Maria Sakkari a hmachhawn leh ang.

World number 6 hian a first serve aṭangin point a hmu vek a, vawi nga aces siam bawkin 6-3, 6-0 in a chak. Kvitova erawhin service a nei ṭha lo, double faults pawh vawi nga ngawt a nei.

Season hmasa French Open leh US Open semifinalist Sakkari chuan, "A tirah kha chuan a awlsam vek bik lo, a service vawi khat ka chhuhsak aṭang erawh kha chuan inrintawkna ka nei sang a, engkim ka thunun theih phah," a ti.

Nimin inkhel dangah seeded 13-na Victoria Azarenka chu Elena Rybakina lakah 6-3, 6-4 in a chak lo. Tun hnaiah Rybakina hi a khel ṭha ṭhin viau, hmeichhe player dangte ang lo takin a service ṭha chu a chakna hnar pawimawh a ni phak.

Marketa Vondrousova chuan seeded palina Anett Kontaveit 3-6, 7-5, 7-6(5) in a hneh bawk a, player ṭha leh thleng sang tura rinkai an tla tam ta hle.