All England-ah Indian player

Badminton inelna ngaihhlut All England Championship chu zanin aṭangin khelh ṭan a ni dawn. Utilita Arena Birmingham-a inelna neih turah hian Indian player ṭha te an inlan dawn.

Pullela Gopichand-a'n All England title a lak aṭangin kum 21 a liam tawh a, tun thlengin Indian player zingah champion leh thei an la awm lo. Hun rei tak hnuah kumin hian beiseina a awm leh a, hlawhtling tur erawh chuan a awlsam dawn lo.

Indian player zingah - Olympic medal vawi hnih la tawh PV Sindhu, World Championship silver medallist Kidambi Srikanth leh tun hnaia khel ṭha thei tak Lakshya Sen te chu mipui mit fukna an ni dawn.

Indian badminton player zingah Gopichand (2001) leh Prakash Padukone (1980) te chiah All England champion thei an la awm. Saina Nehwal chuan 2015 khan final lut ve mah se a champion lo a ni.