Barcelona leh Spotify inrem

Season thar aṭang chuan "Spotify Camp Nou" tih a ni tawh dawn. Barcelona leh Spotify ten pound maktaduai 235 hu inremna an ziak a, an inrem hun chhung hi chiang taka tarlan ni lo mah se, media lam chuan kum thum niin an tarlang.

Barcelona mipa leh hmeichhe jersey hmaah 'Spotify' tih a inziak dawn bawk a, zai leh thil dang ngaihthlakna company hian training kit pawh an tumsak ang, an inremna hi 2022-23 season aṭanga hman tur a ni dawn.

Catalan club hian tun hmain an stadium hmingah sponsor hming an la tarlang tel ngai lo, tun ṭum hi a vawi khatna tur a ni dawn. Kum 2006 thleng kha chuan an jersey hmaah pawh man chawiin thil an fak ngai lo, tunah erawh an kalphung an thlak ve ta hret.

Spotify neitu Daniel Ek-a hian nikum khan Arsenal lei tumin hma a lo la tawh. Gunners legend hrang hrang Thierry Henry, Dennis Bergkamp leh Patrick Vieira ten thlawp mah se American sumdawng hausa kut aṭangin a leisak thei rih lo.