World Cup khel tur Mizo nula

Hockey India chuan nimin khan FIH Women's Junior World Cup 2021 khel tur hockey player 20 hming a puang a, Mizo tleirawl pathum chu squad-ah hian an tel.

April 1 aṭanga neih ṭan tur inelnaah hian Kolasib nula Lalremsiami, Kawnpui khua Marina Lalramnghaki leh Hnahthial forward Lalrindiki te chu koh zingah an tel a ni.

Kum 2021-a neih tur ruahman, 'omicron' avanga kumina sawn tak hi South Africa-ah neih tur a ni dawn a, India hi pool D-ah Germany, Malaysia leh Wales te nen an awm ho ang.

Mizo tleirawl pathum telna tur inelnaah hian team 16 an tel dawn a, pool liah, team pali zel awma ṭhen hran an ni a, pool tina a sang pahnih zel chu quarterfinal khel turin an tling dawn a ni.

India chuan an match hmasa ber hi April 2 khian Wales nen an khel dawn a, chhun dar 12:30-ah an inkhel ang. Inkhel hi online-in watch.hockey-ah live-a en theih a ni dawn.

India Squad:
Goalkeepers: Bichu Devi Kharibam, Khushboo
Defenders: Marina Lalramnghaki (Kawnpui), Preeti, Priyanka, Ishika Chaudhary (Vice Captain), Akshata Abaso Dekhale
Midfielders: Vaishnavi Vitthal Phalke, Salima Tete (Captain), Reet , Ajmina Kujur, Sharmila Devi, Lalremsiami (Kolasib), Baljeet Kaur
Forwards: Lalrindiki (Hnahthial), Jiwan Kishori Toppo, Mumtaz Khan, Beauty Dungdung, Deepika, Sangita Kumari