Babar Azam-a'n Pakistan a chhan

Australia leh Pakistan te chuan March 12-16 chhung khan National Stadium, Karachi-ah Test match an khel a, an inhnehtawk. Ram pahnih hi Test match vawi hnih an khelh tawhah an la inhnehtawk ve ve a, March 21-25 hian Test match vawi thumna an khel ang.

Karachi-ah Australia-in bat hmasak an thlang a, first innings-ah 556/9dec runs an siam tihin an duhtawk. Pakistan-in 148 runs chauhin an chhanglet a, Australia-in second innings-ah 92/2dec runs an siam tihin an duhtawk a, an target chhawpsak chu 506 runs a ni.

Paksitan tan target a sang a, an beiseina sang ber chu draw a ni. Mualneitu tan Babar Azman-a'n 196 runs zet a rawn siam a, Mohammad Rizwan-a'n thi loin 104 runs siam bawkin Australian bowler-te an tibeidawng. Pakistan-in 443/7 runs an siam hman a, inkhelh ṭantira dinhmun ṭha zawk Aussies-in an vawm hlum kim hman loh avangin an inhnehtawk.