Premier League a harsa - Leeds manager

Leeds United chuan zanin dar 1:30 hian Wolverhampton Wanderers hmachhawn turin Molineux Stadium an tlawh dawn. Whites hian match hnuhnung berah Norwich hneh mah se kumina result ṭha an neih meuh loh avangin relegate thei dinhmunah an ding.

Leeds manager Jesse Marsch chuan, "Premier League atan ka insiamrem zel a, English-a ṭawng theih hi a nuam. German ṭawng hmang thei mah ila mahni ṭawng ngeia thusawi chu a chiang nge nge," tiin a sawi.

Marsch hian Leeds enkawl hma hian RB Leizpig a enkawl. American manager chuan, "Game chhunga tactic leh player quality-ah Premier League chu a danglam. Team dang khelh dan ka zirchian hian team ṭhatzia ka hmu a, mak ka ti hial. Hei hian manager ṭha zawkah min siam ka beisei a, nuam pawh ka ti," tiin Premier League a harsat thu a sawi.