European Super League awm dawn lo

German chanchinbu kartin chhuak Der Speigel chuan kum 2021-a European Super League khelh ṭan turin European Club Association (ECA) te an inhmu ru ṭhin niin sawi mah se, ECA chuan thu phuahchawp mai mai a nih thu an sawi.

Der Speigel chuan Spain, Italy, Germany, England leh France-a club liante khelh turin Super League hi siam a ni dawn niin an sawi a, a document kawl thlap angin an in ziak bawk.

UEFA president Aleksander Ceferin chuan, "Super League hi siam a ni dawn lo. Tunah chuan thu phuahchawp leh mumang ram mai a ni," a ti a, ECA chairman leh Juventus hotupa ni bawk Andrea Agnelli chuan, "Super League nei tura ruahmanna siamtu zingah kan tel lo a, UEFA nen ṭha takin kan thawk dun tlat a ni," tiin a sawi ve bawk.