Goa vs Bengaluru - A hmuhnawm dawn
Indian Super League zanin dar 7:30-ah inkhel hmuhnawm a awm dawn a, FC Goa chuan Bengaluru FC an mikhual dawn.
Goan club hian league match sarih an khelh tawhah vawi nga hnehna changin vawi khat chiah an la tlawm a, table chung ber an luah mek.
Sergio Lobera enkawlna hnuaiah football hmuhnawm tak an pholan avangin Spanish coach hi contract thar nen lawmthu hrilh a ni a, team boruak ṭhat vanglai tak a ni.
Bengaluru erawhin hliam vangin Sunil Chhetri an chhawr theih a rinawm lo a, mahse he team hian Miku an la neih tho avangin Goa tan hahdamna chi a la ni chuang lo.
South Indian club hian league match nga chiah la khel chungin Goa chu an phak loh awmchhun a ni rih a, zaninah hnehna an chan chuan match hniha khel tlem zawk chungin Goa nen an point hmuh zat a in ang dawn a ni.
Team pahnih intawn hnuhnung berah FC Goa hian 4-3 in hnehna an chang a, Ferran Corominas chuan Goan club tan hattrick a siam a, Bangalore club tan Miku-a'n goal hnih a khung thung - zaninah goal hmuh hnem beisei a sual lo ang.
Team Dinhmun
# Team Pld W D L GF GA GD Pts
1 Goa 7 5 1 1 21 12 9 16
2 Bengaluru 5 4 1 0 10 4 6 13
3 Mumbai City 7 4 1 2 7 8 -1 13
4 Jamshedpur 7 2 5 0 14 9 5 11
5 NorthEast United 6 3 2 1 10 7 3 11
6 ATK 7 3 1 3 7 8 -1 10
7 Kerala Blasters 7 1 4 2 9 10 -1 7
8 Chennaiyin 7 1 1 5 9 13 -4 4
9 Delhi Dynamos 8 0 4 4 7 13 -6 4
10 Pune City 7 0 2 5 6 16 -10 2
*Nizan Pune City leh Jamshedpur FC inkhel result
a zirin table hi a danglam leh thei ang.