Maharashtra Open khel tur an hraw

India rama tennis inelna ngaihhlut hlawh Tata Open Maharashtra-ah khawvel player langsar tel tur an ṭhahnem a, champion lai Gilles Simon bakah Marin Cilic chuan a inlan leh tur thu a ti chiang ve leh ta.

Tun dinhmunah Cilic hi world number 7 a ni mek a, US Open champion hi mipui hmuh chak a ni ang. Anni pahnih bakah hian ranking top 50 zinga tel phak Kevin Anderson (6), Hyeon Chung (25), Simon (30) leh Malek Jaziri (45) te pawh a inlan dawn a ni.

Tournament director Prashant Sutar chuan, "Inlena hi a vawi hnihna tur chauh a ni a, chutiang chunga hetiang player langsar te an rawn kal duh hi kan lawm. Inelna hi a len zual kan duh a, ramchhungah pawh ngaihhlut a hlawh tawh sana hi a belhchhah ngei ang," tiin a sawi.