Martic hnehin Halep a tlang

Simona Halep chuan Petra Martic 6-1, 6-1 a hnehin Indian Wells semifinal a lut a, tukin zing hian amah ang bawka French Open champion hlui Iga Swiatek nen final luh inchuhin an inkhel zui leh nghal ang.

Ningani zan inkhelah Halep hian a tir aṭangin harsatna a tawk lo, a point hmuh zawng zawng hi 55 a nih laiin a khingpui erawhin point 21 bak a hmu lo, game hnih chauh a hloh avangin a khel ṭha tawk tih a chiang.

Inkhel dangah 2020 French Open champion Swiatek chuan Madison Keys chu 6-1, 6-0 in a sawp ve bawk. Halep leh Swiatek hi khelh dan phung inang tak an ni a, an intawng tur hi a hmuhnawm ang.

Hmeichhe single semifinal lehlamah seeded pangana Paula Badosa leh seeded parukna Maria Sakkari te an intawng ve thung dawn a ni.