Ramsdale a inhliam

Arsenal goalkeeper Aaron Ramsdale chu England tana koh ni mah se a inkhel thei dawn lo. Ramsdale hi a khel bawr a hliam, Inrinni zana Arsenal leh Aston Villa inkhelh ṭum pawhin a inlan thei lo a ni.

Nikum August thla khan Arsenal hi Manchester City lakah 5-0 in an mualpho, a hnu lamah keeper Bernd Leno nek chhuakin Ramsdale-a'n number 1 dinhmun a chang a, a khelh ṭhat avangin England tan pawha khel phak tura ngaih a ni.

Mahse, Mikel Arteta chuan a keeper hi hliam vanga a chawlh a ngaih thu a sawi. England-in Switzerland leh Ivory Coast an hmachhawn hunah a inlan thei dawn lo, kum tawpah World Cup khelh tur a nih avangin ram tana khelh loh hi a uiawm ang.

England manager Gareth Southgate-a'n player 25 a koh zingah Trent Alexander-Arnold pawh malpui hliam vangin a inkhel thei dawn lo. Liverpool defender Alexander-Arnold hi kar hmasa Zirtawpni khan a lo inhnukdawk fel tawh bawk a ni.