Everton dilna an hnawl

Everton-in midfielder Allan card hmuh chungchangah dilna pahnih an thehlut a, an hnawl ve ve. Brazilian midfielder Allan hi Ningani zana Toffees-in Newcastle United an hneh ṭumin Allan Saint-Maximin a tlawh thluk vangin an hnawt chhuak.

Referee Craig Pawson-a'n yellow card pe zet mah se mualsira monitor hmanga a ennawn hnuah red card a pe. Everton chuan thutlukna hi thlak thleng turin an dil a, an hnawl. Hemi hnu hian an hremna ti nep turin an dil leh a, an hnawl leh bawk.

Allan hian red card a hmuh nghal avangin match thum chhung hrem a ni dawn. Frank Lampard-a'n nizana Crystal Palace nen FA Cup quarterfinal-a an inhmachhawn bakah West Ham leh Burnley nena a inkhelh hunah Allan hi a chhawr thei lo ang.