Neuer-a'n Bundesliga record thar a siam

Bayern Munich-in Pathianni zan khan Union Berlin 4-0 in an hneh a, captain Manuel Neuer-a'n record thar a siam. Kum 35 mi Neuer hian Bundesliga-ah match 311 hnehna a chang a, German top flight football-ah chak hnem ber record a ni.

February thla tira Bayern-in RB Leipzig an hneh ṭumin Neuer hian tuna club CEO nilai Oliver Kahn record a nihrual tawh a, amaherawhchu inhiam vangin a chawl zui. Kar liam ta khan Neuer hi inlan leh tawh mah se Hoffenheim nen an inhnehtawk a, ama puala record nei turin a nghak rei hle.

Allianz Arena-a inkhelah Bayern hian harsatna an tawk lo a, Kingsley Coman leh Tanguy Nianzou ten goal khat ve ve an khung hnuah Robert Lewandowski-a'n goal hnh a khung. Bavarians hian match 27-ah point 63 an hmu tawh a, Julian Nagelsmann hnuaiah an champion ngei a rinawm.

Bundesliga inkhel dangah Bochum leh Borussia Moncheng-ladbach te an inkhel zo thei lo. Bochum ṭantu zinga miin assistant referee chu 'beer bur' in a vawm a, minute 19 a la awmin inkhel an titawp.

Inkhel tihtawp a nih hian Glabach hian Alassane Plea leh Breel Embolo te hmangin 2-0 in hma an hruai tawh. Mualneitu Bochum chuan inkhelh banah ngaihdam an dil a, mi pakhat ni khua loh vang a nih thu an sawi tel bawk.