Atletico an chak hram

Champions League aṭanga Manchester United pet chhuaktu Atletico Madrid chuan Inrinni zan khan Rayo Vallecano chu 1-0 in an hneh hram. Diego Simeone hote hian point thum hlu tak an hlawhchhuah avangin pathumnaah an inhlang chho a, nizana El Clasico result a zirin an table hi a danglam thei ang.

Second half minute linaah Joao Felix-a pass chu Koke-a'n cool takin goal kilah a khung. Atletico hian nawr chhunzawm mah se goal an khung belh thei lo. Rayo Vallecano pahwin siphurh sut theihna an nei a, Bebe-a'n chance a ṭha hlah. Minute 85-naah Atletico midfielder Angel Correa chu hnawhchhuah a ni a, player 10 a khel chungin an ṭang tluan.