West Ham manager Moyes-a'n ball zâng a duh

Footballer zingah rilru kim lohna (dementia) nei an pung chho a, ball tauh tam vanga thlengah an ngai. West Ham manager David Moyes chuan training-naa hman tur ball zâng zawk awm thei se a duh thu a sawi.

West Ham manager Moyes chuan, "Nike leh adidas ten training-naa hman tur ball zâng zawk an la siam chhuak lo hi mak ka ti zawk. Balloon ang maia zâng ka tihna a ni lo a, training pui tlak ka sawi. 

"Kan harsatna tawh hi inkhela thil thleng vang a nih ka ring lo a, training-na nghawng a ni zawk ang. Ball tauh zir nan ball zâng zawk hi kan mamawh a ni," tiin a sawi a, Scottish manager thusawi hi a pawmawm hle.

Manchester United legend Sir Bobby Charlton chu November 1 khan dementia a nei tih puanzar a ni a, 1966 World Cup-a England champion puitu zinga thi 

tawh Jack Charlton, Bobby Stiles, Martin Peters leh Ray Wilson ten dementia an nei vek.

Hammers hian Pathianni zan dar 7:30-ah Sheffield United an hmachhawn dawn. Blades hian season bul an ṭan ṭha lo a, point khat chauh la hmuin table mawngphahah an awm.