Grealish hi ka chhuang - Villa boss

English media ten tun hnaia hahipa an fak chu Jack Grealish a ni a, Aston Villa captain hi England tana a fehchhuahnaah pawh a che ṭha chhunzawm zel.

Villa manager Dean Smith chuan, "Jack hian theihna sang tak a nei a, a khelh ṭhat ni chuan a ṭha ber a ni. He nau hi ka chhuang hle. England tana a chet ṭhat avangin inrintawkna a nei dawn a, chutihrualin inrintawkna hi a neih sa a ni a, amah hi ka ringtawk," a ti a, England leh Iceland inkhelh ṭuma minute 73-naa lakchhuah a nih chu a lawm thu a sawi bawk.

Aston Villa hian zanin dar 8:30 hian Brighton & Hove an mikhual dawn. Villa hian match sarih an khelh tawh aṭangin point 15 an hmu a, anmahni aia match khata khel tam hmahruaitu Leicester City chu point thum chauhin an pha lo.