Didier Drogba a chawl ta

Chelsea legend Didier Drogba chuan inkhelh a chawlhsan thu a puang ve ta. Kum 40 mi striker chuan, "Kum 20 chhung ngawt khelmuala hun ka hman hnuah ka career chu ka mangṭha ve dawn ta," tiin inkhelh a chawlhsan thu hi a puang.

Ivory Coast tan match 104-a khelha goal 65 khungtu Drogba hian a career-a a hun tawp lam thla 18 chu neitu nihna a neih telna US second division club Phoenix Rising-ah a hmang a, thla tir lam khan United Soccer League Cup final-ah a team hi a hruai thleng a, mahse Louisvuille lakah 1-0 in an chak lo a, a match tawp ber a ni ta a ni.

Drogba chuan, "Ka tan chuan chawlh dan duhawm tak a ni a, player naupang zawkten hma an sawn theih nana pui chunga football mangṭha hi duhthusam chu a ni," a ti.

"Football hian thil tam tak min zirtir a, he game tana pek let ka nei ve thei hi ka lawm takzet," a ti a, US-a club Phoenix Rising nei chunga inkhelh chawlhsan chu a tan duhthusam a nih thu a sawi.