Derby ho tur Rooney

November 14 khan Derby County-in manager Phillip Cocu an ban a, zanin dar 8:30-a Bristol City an tlawh hunah Rams hi Wayne Rooney-a'n a enkawl dawn.

Derby hi Championship-ah table mawngphahah awmin 24-naah an awm mek a, match 11 khelhah point ruk chauh an hlawh chhuak.

Rooney chuan, "Team enkawl hi ka duh a, hemi chungchang hi ka sawi chhuak fo tawh. Derby hieng chen nge ka enkawl dawn tih hre lo mah ila ka phur hle," tiin a sawi.

Kum 35 mi English striker hian licence a la zo lo a, Derby hi Liam Rosenior, Shay Given leh Derby youth coach hlui Justin Walker te nen an enkawl ho dawn.

Rooney chuan, "Tuna kan hna chelh hi a ngheta kan neih theih nan match hmasa pathum hi a pawimawh dawn a, kan chet ṭhat chuan a nghetin min ruai duh ngei ang," tiin a sawi.

Derby khingpui tur Bristol City hian point 20 an hmu tawh a, panganaah an awm bawk avangin point hlawhchhuah a 

harsa ang.