TNT naupang an chungnung

Ni hnih chhung awh 1st Sub Junior Youth (Boys & Girls) and 10th Junior Men & Women State Level Weightlifting Championship chu nimin khan, Ramhlun Sports Complex (Weightlifting Academy) ah neih zawh a ni a, Sub Junior Youth (Boys) huangah Thutak Nunpuitu Team (TNT) chu pakhatna an ni.

Inelnaah hian club panga aṭangin infiammi 59 an kalkhawm a, category chi hrang hrang - Sub Junior Youth (Boys & Girls) leh Junior Men & Women hmanga inelna neih niin, best lifter atan Silvana Beihrothatlo (MWA) leh Vanlalrinmawii (SAI) te thlan an ni bawk.

SYS weightlifting coach Malsawma Khiangte chuan, "Jeremy Lalrinnunga'n hlawhtlinna a chan aṭangin Mizo naupang ten weightligting huangah phurna an nei nasa zual a, nakinah pawh hlawhtlinna lian zawk kan chan chhoh zel theih ka beisei," tiin Vanglaini a hrilh.

Results Kimchang
Sub Junior Youth (Boys)
Team Champion : TNT
Pahnihna : SYS
Sub Junior Youth (Girls)
Team Champion : SAI
Pahnihna : MWA
Junior Men & Women (Men)
Team Champion : TNT
Pahnihna : MWA
Junior Men & Women (Women)
Team Champion : SAI
Pahnihna : MWA
Best Lifter (Youth Boys & Men)
Silvana Beihrothatlo, MWA
Best Lifter (Youth Girls & Women)
Vanlalrinmawii, SAI