Mourinho dah sangtu Didier Drogba

Chelsea striker chawl ta Didier Drogba chuan Blues-a a pu hlui Jose Mourinho chuan Man-chester City enkawl se chuan vawi hnih emaw vawi thum lai Premier League-ah a champion pui tawh a rin thu a sawi!

Mourinho hian ṭum hnih Chelsea a enkawl chhungin Premier League-ah vawi thum a champion pui hman a, mahse kum 2016-a Manchester United a zawm hnuah erawh Blues tana Premier League-a a hlawhtlinna hi a chhawm nung thei lo.

Drogba chuan, "Man-chester City-ah awm se chuan vawi hnih emaw vawi thum nomawi a chawi tawh ang. Coach hlawhtling tak a nih avangin sawisel a tawk nasa bik a ni," tiin a pu hlui a dah sang hle.

Chelsea legend chuan, "Sir Alex Ferguson enkawl hnu club enkawl hi a awlsam lo a, sum lamah ni se tun hma ang kha an ni tawh lo bawk. Mipuite hi chuan 'a ṭha ber' lam hawiin sawiselna tur an zawng ṭhin a, chutiang chu Mou hian a tawk mek a ni," a ti.

Manchester United hian zanin dar 8:30-ah Premier League match khel turin Crystal Palace an mikhual dawn. Premier League-ah hian match 12 khel tawhin pariatna an ni mek a, match ruk chiah la chakin vawi li an tlawm tawh.