FC Goa chunga leng Bengaluru

Indian Super League inkhel hmuhnawmah Ninga­ni zan khan Barcelona chuan FC Goa chu 2-1 in an hneh a, Sunil Chhetri chuan Bangalore club tan chakna goal a khung.

FC Goa khelmuala in­khelah Bengaluru tan Rahul Bheke chuan minute 34-naah goal hmahruai a khung a, Brandon Fernandes chuan minute 72-naah a sut.

Mahse, Goan club an harh dawn emaw tih laiin an hlim chhung a rei lo. Mi­nute nga hnu lawkah Sunil Chhetri chuan goal a khung leh a, Bengaluru an chak.

Bengaluru squad-ah rin loh takin Miku a awm lo a, hliam vanga India tana inlan thei lo Chhetri chuan beisei loh takin South Indian club tan bul a ṭan thung.

Ningani zan inkhelah bo­ruak a sang a, FC Goa defen­der Mohamed Ali chu minute 47-naah hnawh­chhuah a ni a, Bengaluru midfielder Dimas Delgado chu minute 59-naah hnawh­chhuah a ni ve bawk.

Zanin Indian Super League-ah inkhel pakhat a awm dawn a, Mumbai City chuan zan dar 7:30-ah ATK an mikhual ang.