Quarterfinal-ah Verma leh Saina

Syed Modi International World Super Tour 300 khelh mekah mipa singles champion lai Sameer Verma leh tun hma lama hmeichhe singles champion ni tawh Saina Nehwal bakah, Parupalli Kashyap te chuan quarterfinal an inhlangkai vek.

Seeded pahnihna Saina hian Amolika Singh Sisodiya chu 21-14, 21-9 in a hneh. London Olympic bronze medalist hian tun hma lama vawi thum a champion tawhna hmunah a vawi thum nan champion leh a tum mek. A match lehpekah chuan seeded pariatna Rituparna Das nen an inhmachhawn leh ang.

Kum 2012 leh 2015 champion Kashyap chuan game hmasa ber hloh mah se rang takin a tho chhuak leh a, India tlangval hian Indonesian shuttler Firman Abdul Kholik chu 9-21, 22-20, 21-8 in a hneh. Seeded pathumna Sameer chuan Zhao Junpeng lakah 22-20, 21-17 in hnehna a chang ve bawk.