Cristiano Ronaldo a dam

Portugal tan match khel tura koh ni lo mah se Cristiano Ronaldo chuan training a nei chhunzawm reng tho a, zanin dar 10:30-a Juventus leh SPAL ten Serie A match an khelh tur­ah a inlan theih beisei a ni.

Juventus tan an mi­khual tur SPAL hi khing­pui hautak tura ngaih an ni lo, an hnuai chiaha awm Napoli leh Chievo an inkhel thung ang. Carlo Ancelotti naute nen an inkarah point ruk chauh a awm avangin Juve tan nomawi humhim tur chuan chetsual loh a pawimawh.

Massimiliano Allegri-a'n international match khelh avangin a player a chhuah hnem a, Argentine forward Paulo Dybala, Por­­tuguese defender Joao Cancelo leh Polish goal­keeper Wojciech Szczesny te chu zanin hian an inlan chhunzawm thei dawn bawk.

Hetihlai hian German midfielder Emre Can erawh a dinhmun a la chiang lo. Liverpool player hlui hian training zawm tawh mah se Thawhlehni zanah Valencia nen Cham­pions League group match an khelh zui dawn avangin a la awltir a nih pawhin a mak lo ang.