Germany squad-ah Stach

Germany-in tun international break-ah Israel (March 26, Inrinni) leh Netherlands (March 29, Thawhlehni) an hmachhawn dawn. Hansi Flick-a'n friendly match pahnih an khelh tur atan player 26 a ko a, Under 21 European champion team zinga mi Anton Stach chu a vawi khat nan koh a ni.

Kum 23 mi Stach hi 1. FSV Mainz 05 tan a khel a, a khelh dan hmang hi Bayern Munich legend Stefan Effenberg nen an khaikhin. Stach hi 6'4"-a sang a ni a, football a luhchilh hma hian tennis a khel ṭhin bawk. Stefan Kuntz hnuaia Germany Under 21-in Euro U21 an champion khan match ruk khelh tur awmah match nga a khel.

Tun season-ah Stach hian match 21 khel tawhin goal khat a khung a, assist vawi thum a nei tawh bawk. Flick-a'n Stach bakah hian tun hmaa ram tana khel tawh ṭhin Benjamin Henrichs (RB Leipzig), Timo Werner (Chelsea), Robin Koch (Leeds United) leh Julian Weigl (Benfica) te chu a ko let bawk.

Germany squad
Goalkeepers: Manuel Neuer (FC Bayern), Marc-André ter Stegen (FC Barcelona), Kevin Trapp (Eintracht Frankfurt)

Defenders: Matthias Ginter (Borussia Mönchengladbach), Christian Günter (SC Freiburg), Benjamin Henrichs (RB Leipzig), Thilo Kehrer (Paris Saint-Germain), Robin Koch (Leeds United), David Raum (TSG Hoffenheim), Antonio Rüdiger (Chelsea), Nico Schlotterbeck (SC Freiburg), Jonathan Tah (Bayer Leverkusen)

Midfielders/Attackers: Karim Adeyemi (Red Bull Salzburg), Julian Draxler (Paris Saint-Germain), Serge Gnabry (FC Bayern), Ilkay Gündogan (Manchester City), Kai Havertz (Chelsea), Joshua Kimmich, Thomas Müller, Jamal Musiala (all FC Bayern), Florian Neuhaus (Borussia Mönchengladbach), Lukas Nmecha (VfL Wolfsburg), Leroy Sané (FC Bayern), Anton Stach (1. FSV Mainz 05), Julian Weigl (Benfica), Timo Werner (Chelsea