I League hmahruaitu Gokulam Kerala

Nizan khan Gokulam Kerala-in Kalyani Stadium-ah Trau 3-2 in an hneh a, Kerala club hi I League hmahruaitu an ni. Nizan vek khan Mohammedan leh Kenre an inkhel a, Kolkata club hi an chak a nih chuan hmahruaitu an ni lehnghal dawn.

Gokulam Kerala hian match nga an khelh tawhah hneh loh an la tawng lo a, Neroca nen an inhnehtawk tih loh chu an la chak vek. Kerala club tan hian Luka Majcen a che ṭha a, Trau an hneh ṭum hian goal hnih a khung.

I League-ah hian team 13 an awm a, round tinah team pakhat an awl zel. Gokulam hi ṭum khat an awl tawh a, khelh zat inangah Mohammedan aiin point an hmu tam zawk.

Gokulam leh Mohammedan te hi March 25, Zirtawpni zan dar 7:30 hian Naihati Stadium-ah an inkhel dawn a, hmahruaitu zawnna a ni thei ang.

March 20, Pathianni
Indian Arrows 0 - 2 Aizawl FC
AFC : Asier Pierrick Dipanda Dicka 43', 49'
Sudeva Delhi 0 - 1 Sreenidi Deccan
SRE : David Castaneda Munoz 39'
RoundGlass Punjab 1 - 1 Neroca
RGP : Aphaoba Singh Ashangbam 78'
NER : Sergio Mendigutxia 58'

March 21, Thawhṭanni
Rajasthan FC 2 - 0 Churchill Brothers
RAJ : Alocious Muthayyan 34', 38'
Trau 2 - 3 Gokulam Kerala
TRA : Fernandinho 7', 56'
GOK : Jithin 2'; Luka Majcen 19', 55'