Chennai City an dang thei lo

I League-ah Chennai City-in dangtu an la nei lo. Inrinni zan khan an league match rukna an khel a, an mikhual Neroca chu 2-1 in an lo hneh.

South Indian club tan an chakna chu ṭum dang ang bawkin an Spanish player te an ni a, Roberto Eslava leh Nestor Gordillo ten goal khat ve ve an khung.

Aizawl FC coach hlui Manuel Retamero enkawlna hnuaia khel Neroca tan Subash Singh chuan minute 66-naah si phurh sut ṭhen mah se goal dang erawh an khung tawh lo a, Chennai City hi 2-1 in an chak.

Nimin tlai inkhelah Real Kashmir chuan Surchandra Singh leh Bazie Armand goal khung hmangin Indian Arrows chu 2-0 in an hneh ve bawk - Arrows tan Mizo rawlthar Lalengmawia chuan inkhel bul a ṭan.

Team Dinhmun
# Team P W D L GF GA GD Pts
1 Chennai City FC 6 5 1 0 15 8 7 16
2 Gokulam Kerala FC 5 2 2 1 8 6 2 8
3 Mohun Bagan 4 2 2 0 6 3 3 8
4 Real Kashmir FC 5 2 1 2 3 3 0 7
5 Quess East Bengal 4 2 0 2 8 6 2 6
6 Churchill Brothers 4 1 3 0 6 4 2 6
7 NEROCA FC 5 1 2 2 4 5 -1 5
8 Minerva Punjab FC 5 1 2 2 4 5 -1 5
9 Aizawl FC 6 1 2 3 8 10 -2 5
10 Shillong Lajong FC 6 1 1 4 8 14 -6 4
11 Indian Arrows 4 1 0 3 2 8 -6 3