Zakhuma'n silver medal a la

Indian Weightlifting Federation hnuaia inelna - IWLF Youth, Junior leh Senior National Weight-lifting Championship-ah Zakhuma chuan silver medal a la. Mizo rawltharin medal a lakna hi junior huangah a ni.

Inelna hi KIIT University, Bhubaneswar-ah neih mek niiin, 61kg huangah Zakhuma hian medal la turin - snatch 114kg, clean & jerk 140, total-ah 245kg chawiin pahnihna dinhmun hi a luah. Inter state senior national-a 61kg huangah bronze medal a dawng bawk.

National Cham-pionship-ah hian National General Body meeting neih nghal a ni bawk. Meeting-ah hian Mizoram weightlifting president Lallianṭhuama leh general secretary Malsawma Khiangte te an tel.

Mizoram hian Senior National 2024 thlen a dil chu pawmsak an ni a, hemi tur erawh chuan hmun hma a ṭha tawk em, tih endik leh phawt tur a ni ang.

National champion-ship-ah hian Mizoram player 12 leh official pali, coach leh manager Lallianṭhuama, Malsawma Khiangte (SYS) Zohmangaiha (MSSC) leh Zarzokima (MWLA) te an kal.