Swiss Open lamah Sindhu

PV Sindhu chu tun kar chhunga khelh tur Swiss Open-ah a inlan dawn. Indian badminton player ṭha dang Kidambi Srikanth a inlan dawn laiin Lakshya Sen erawh inlan tura beisei ni mah se an inhnukdawk thung.

German Open leh All England Championship-ah khan Sindhu hian beisei a phak lo, second round-ah ve ve a tla. Sindhu ang bawkin Saina Nehwal pawh a thleng sang lo, tun ṭumah hian beiseina thar nen a inlan ve bawk dawn a ni.

World champion hlui Sindhu hi seeded pahnihna pek a ni, a match hmasa berah world number 32 Line Hojmark Kjaersfeldt a hmachhawn ang. Saina chuan Chinese nula Wang Zhi Yi a hmachhawn thung ang.

World Championship bronze medalist Srikanth-a'n qualifier aṭanga in vaw kai a hmachhawn dawn. First round-ah hian Indian player pahnih B. Sai Praneeth leh H. S. Prannoy te an inhmachhawn nghal bawk dawn a ni.