Wawrinka a lo kir leh dawn ta

Kephah hliam vanga hun rei tak a chawlh hnuah Stan Wawrinka a lo kir leh dawn. Swiss tennis star hian kar leh aṭanga khelh tur Marbella Open lamin wildcard an pek chu a pawm, harsatna dang a awm thut loh chuan a inkhel ang.

Grand Slam vawi thum champion tawh hi kum khat chuang inkhel thei loin a awm. Kum 36 mi a nih tawh avangin tennis a chawlhsan mai rinna pawh a lian hman, mahse inkhelh ve leh ngei chu a la tumruh hle.

Wawrinka hi April thlaa khelh tur Monte Carlo atan pawh wildcard pek a ni a, 2014 season-a a lo champion tawhna hmunah pawh hian a inlan thei tura beisei a ni, clay court season hi a tan bul ṭan thar lehna tur a ni ang.