Kar ruk vel chawl tur Nadal

Rafael Nadal chu a nakruh hliam vangin a chawlh rih a ngai dawn. Spanish star hi chawlh kar li aṭanga chawlh kar ruk vel tal chu inkhel loin a awm dawn - clay court season tir lamah a hmel kan hmu thei dawn lo tihna a ni.

Indian Wells final-ah khan Nadal hi Taylor Fritz lakah a chak lo. Semifinal-a Carlos Alcaraz a hneh ṭum khan a hliam a, final hi khel zui mah se thawk lamah harsatna a nei, a khelh ṭhat theih miau loh avangin kumina a vawi khat nan a tlawm.

Tuna a lan dan chuan April thlatir lama khelh tur Monte Carlo leh Barcelona Open-ah Nadal hi kan hmu thei dawn lo. Vawi 13 a champion tawhna French Open erawh May 22 aṭanga khelh tur a ni a, a inlan thei ngei tura beisei a ni thung.

Kum 35 mi Nadal hian season bul a ṭan fuh hle, season tira a match hmasa 20 zetah a chak vek. Season tir lama a chak zawn rei ber ṭum a tawng a, nomawi tam zawk chawi belh tura rin a nih laiin a chawl leh rih dawn a ni.