A zawna vawi thum chak lo GSW

Golden State Warriors tan pawh thil engkim hi a awlsam vek bik ngawt lo. Tun hnaia an match hnuhnung pathumah Warriors hi an tlawm vek, nimin zing khan Orlando Magic lakah 94-90 in an chak lo.

Amway Center-a inkhelah Golden State hi a tir aṭangin an hnufual, quarter hmasa ber an khelh zawhin point riatin an hniam nghal. A hnu lamah thapui thawh viau mah se Orlando Magic an chesual nasa duh lo a, inkhel inhnehtawk takah Magic an chungnung.

Magic player zingah point 20 nei tling an awm lo. Mahse, Wendell Carter Jr. (19 points), Franz Wanger (18) leh Cole Anthony (14) te an khel ṭha a, mimala langsar fal awm loin team thawhhona ṭha chu an chakpui.

Golden State lamin hliam vangin Stephen Curry an la chhawr thei lo. Ani tel lo chuan basket neih an harsat deuh ṭhin a, an nih tur ang an ni phak lo. Chak lo mah se Western Conference table-ah pathumna an nih avangin playoff khel turin an dinhmun a ṭha thawkhat tawh.

NBA - Nimin Results
Chicago Bulls 98 - 126 Milwaukee Bucks
Los Angeles Clippers 115 - 127 Denver Nuggets
Golden State Warriors 90 - 94 Orlando Magic
Atlanta Hawks 117 - 111 New York Knicks