Zaninah Under 15 League semifinal

MFA leh Tata Trusts buatsaih MFA Under 15 League semifinal chu zanin hian Lammualah khelh a ni dawn, final hi Inrinnia khelh tur a ni.

Zan dar 5:30-ah league round-a pakhatna Tata Trusts COE leh palina Chanmari FC te an inhmachhawn dawn. Zan dar 7:30-ah Aizawl Grassroots Center leh Aizawl FC Academy te an inhmachhawn ang.

Mizoram chhunga football academy mumal ber COE hian an match hnuhnung berah Chanmari FC chu 3-0 in an hneh a, final an lut lo a nih chuan upset a tling ang.

Grassroots leh AFC Academy hi COE elpha tur bera ngaih an ni a, league round-ah point 34 ve ve an hmu a, inkhel tur hi a hmuhnawm khawp ang.