Mizo Wrestler feh chhuak

63rd Men Free Style, Greco Roman Style & 21st Women Senior National Wrestling Championships khel turin Mizoram Wrestling Association chuan wrestler pasarih a thlang a, nimin khan inelna tur hmun panin Aizawl an chhuahsan.

Senior Wrestling Championship inelna hi November 29 aṭangin Gonda, Uttar Pradesh-ah neih tur a ni a, December 2-ah inelna hi neih zawh a ni ang.

Mizoram Wrestling Association te hian October khan Pro Wrestling inelna buatsaihin a hlawhtling hle a, tun inelna atan pawh hian beiseina sang tak neiin Mizo wrestler zingah palian inchai champion lai Lalsangliana lakah beiseina a sang hle.

Mizo wrestler-te hi coach chu Ngurthansanga leh C. Lalhmunfela te niin manager-ah Ngurthanmawia a ni thung.

Mizo Wrestler feh chhuakte
Hming Club/Veng
Lalsangliana Excise & Narcotics
R.Lalrinawma Excise & Narcotics
K.Lalbiaksanga Mission Veng
Lalchhanhima 39AR Saitual
F.Lalmalsawmi Bawngkawn
Lalremruati Kawnpui
Lalbiakdiki Serchhip