India chhandam-tu Kohli bawk

Australia nena twenty20 series an khelh mekah Pathianni khan Virat Kohli chuan run 61 vaw chhuakin India chu hnehna a chanpui a, Australia lakah wicket rukin hnehna an chang.

Sydney Cricket Ground-a inkhelah Australia an bat hmasa zawk a, over 20-ah run 164 siamin wicket ruk an hloh a, Indian bowler Krunal Pandya an ngam lo - over li a vawmah wicket li lain run 36 a pe.

India bat hun a thleng a, over 19.4-ah an target hi umphain wicket li chiah an hloh - Kohli hian ball 41-a hmachhawnah run 61 a vaw chhuak a, ball hnih chauh a awm tawh tiha India chakpuiin a tawp thleng a dam.

Men in Blue tan hian Shikhar Dhawan chuan ball 22-a hmachhawnah run 41 a vaw chhuak ve bawk a, a thawhhlawkna hmuh hmaih sak theih a ni lo.

Test series match thum khelh tur ruahmanah hian match hmasa berah Asutralia-in DLS method hmangin run liin hnehna an chang a, match hnihna chu ruahsur vangin khelh zawh loh a ni.

Match thumnaah India-in hnehna an chan ve tak avangin series hi la zawk an awm lo a, 1-1 in an inhnehtawk. Team pahnih hi test leh ODI series-ah an inhmachhawn leh dawn a, test hi December 6-ah match hmasa ber khelh a ni ang.