Silver medal latu Thlamuanpuia

All India Inter-University Taekwondo Championship neih zawh takah, Mizoram University aiawh Lalthlamuanpuia chuan taekwondo poomsae inelnaah silver medal a la.

Puia hi India camp, Locknow-a awm lai niin, Kerala-a inelna neihah hian under 29 individual category-ah a khel. MZU aiawh hian amah chauh hi a khel a ni.

Tun hma pawhin Puia hian Mizoram aiawhin medal engemawzat a lo la tawh a, India aiawh pawhin 13th South Asian Games, Nepal-ah khan gold medal a la tawh bawk.

Kum 2020 khan All India Inter University Taekwondo Championship-ah silver medal a lo la tawh bawk a ni.

Under 29 individual medal la tute:
Pakhatna: Pranav K, University of Callicut, Kerala
Pahnihna: Lalthlamuanpuia, Mizoram University
Pathumna: Ben Jovakim Correya MG University, Kerala
Pathumna: Abin PB, University of Kerala