March thla tawpah Mizoram Open

Hripui a ziaawm a, tualchhung infiamna pawhin ngai a awh chho leh mek. Tualchhung tennis inelna ngaihhlut Mizoram Open pawh tun thla tawp lamah buatsaih a ni dawn, inlan tum tan inbuatsaihna neih ngawrh hun a ni.

Mizoram Tennis Association (MTA) chuan, 35th Mizoram Open 2022 Tennis Championship chu match 28 aṭanga April thleng hian a buatsaih dawn. Inelna hi Aizawl Tennis Club bakah Zotlang Tennis Court-ah khelh a ni ang.

Mipa singles champion lai chu Innocent Lalrindika (Ramhlun Tennis Club) niin, hmeichhe lamah Sandhya Giri (Lunglei Tennis Club) chuan nomawi a kawl mek bawk. Player dangte an phur avangin an tan title humhim pawh a harsa mai thei.

Inelna hi hlawm pasarih - men’s singles, women’s singles, boys u-12 singles, boys u-14 singles, men’s doubles, 40+ singles leh 55+ doubles ah te ṭhenhran a ni dawn. MTA chuan tualchhung player ṭhate inlan vek turin a sawm a ni.