Forster an ko leh hnuhnawh

England player pali an inhnuhdawh hnuah Sam Johnstone pawh a inlan thei dawn lo. West Brom goalkeeper a tel theih dawn loh avang hian Southampton goalkeeper Fraser Forster chu Three Lions tana koh a ni.

A tirah chuan Arsenal keeper Aaron Ramsdale koh a ni a, mahse chawn hliam vangin a inhnukdawk. Ramsdale aiah Johnstone an ko leh a, ani pawh hi damlohna vangin an ram squad aṭangin a chhuak - tunah Forster an ko leh ta a ni.

Kum 34 mi Forster hma hian Saints player pahnih James Ward-Prowse leh Kyle Walker-Peters te chu ram tan koh an lo ni tawh bawk. Tun ṭum England squad-ah Southamton chuan player pathum an thawh.

Gareth Southgate-a enkawl England hian Inrinni zan hian Switzerland an mikhual dawn, kar leh Thawhlehniah Ivory Coast an hmachhawn leh bawk ang. Friendly match pahnih hi Wembley Stadium-a khelh a ni ang.

England squad
Goalkeepers: Jordan Pickford, Nick Pope, Fraser Forster.
Defenders: Conor Coady, Marc Guehi, Harry Maguire, Tyrone Mings, Tyrick Mitchell, Luke Shaw, John Stones, Kyle Walker-Peters, Ben White.
Midfielders: Jude Bellingham, Conor Gallagher, Jordan Henderson, Mason Mount, Declan Rice, James Ward-Prowse.
Forwards: Phil Foden, Jack Grealish, Harry Kane, Bukayo Saka, Emile Smith Rowe, Raheem Sterling, Ollie Watkins.