Kulikawn aia vannei Zarkawt

Nimin khan Ramhlun Sports Complex-ah I Division club pariatte inelna First Division One Day Tournament 2020 khelh chhunzawm a ni a, inkhel inhnehtawk takah Zarkawt Lords chuan run khat lekin Kulikawn an hneh.

Ṭhum vawra vannei zawk Zarkawt lamin vuak hmasak an thlang a, over 39.1 chhunga run 111 siamin an thi vek. Henry Lalsangzuala'n ball 89 aṭangin run 35 a siam thei a, ani bakah hian Partha Mandal chu run 20 siam tling thei awmchhun a ni.

Kulikawn tan target sang lo taka ngaih theih a ni a, over 28.4 lekah run 101 an siam avangin an dinhmun pawh a duhawm hman hle. Mahse, over 30.2 a nih meuh chuan run 110 siamin an thi kim. Zarkawt Lords bowler Partha Mandal-a'n over 8.2 a vawm aṭangin rum 21 chauh a pe a, wicket thum a lak theih bawk avangin Player of the Match atan thlan a ni. 

I Div One Day Tourney Result & Fixtures

Round 1

Nimin Inkhel Result

Zarkawt Lords    bt    Kulikawn

Zarkawt Lords Cricket Club lamin run khatin hnehna an chang

Vawiin Inkhel Tur

A hmun : Ramhlun Sports Complex

Durtlang    09:00 AM    Zemabawk Pitchers

January 13, Thawhṭanni

Chanmarians    09:00 AM    Gorkha

Round 2

January 14, Thawhlehni

Zemabawk Pitchers    09:00 AM    Ramhlun Venglai

January 15, Nilaini

Gorkha    09:00 AM    Kulikawn

January 16, Ningani

Chhinga Veng    09:00 AM    Durtlang

January 17, Zirtawpni

Zarkawt Lords    09:00 AM    Chanmarians

Round 3

January 18, Inrinni

Ramhlun Venglai    09:00 AM    Durtlang

January 20, Thawhṭanni

Chanmarians    09:00 AM    Kulikawn

January 21, Thawhlehni

Zemabawk Pitchers    09:00 AM    Chhinga Veng