Aizawl FC-in hun ṭha an bawhpelh

I League khelh mekah Aizawl FC-in Ningani zan khan Churchill Brothers 2-1in an hneh lo. Mizo club hian Goan club an hneh loh avangin 10-naah an tla thla a, Churchill erawh pariatnaah an invawrh chho thung.

Kalyani Stadium-a inkhelah Churchill-in minute 44-naah Kenneth Ikechukwu hmangin hma an hruai a, Aizawl FC insiamrem hmain Komron Tursunov-a'n injury time-ah a khung lehnghal avangin halftime-ah 2-0 a ni.

Zemabawk North tlangval Samuel Lalmuanpuia'n minute 59-naah siphurh sut ṭhen mah se Aizawl FC-in goal dang an khung belh tawh lo. Yan Law hoten a sang pasarih chin khelh tur Championship stage khel turin chak mamawh mah se point an hlawhchhuah loh avangin Relegation stage khel tur zingah an la awm a ngaih phah.

Inkhel dangah Sreenidi Deccan chuan Indian Arrows chu 2-1 in an hneh a, Sreenidi goal hmahruai hi Hriangtlang tlangval Vanlalbiaa Chhangte khung a ni. Sreenidi tan Mabiaa bakah Durtlang tlangval C. Lalchungnunga ten bul an ṭan a, Indian Arrows tan Lalchhanhima Sailo a inlan bawk.

March 24, Ningani
Indian Arrows 1 - 2 Sreenidi Deccan
IND : Velanco Elisson Rodrigues 45+4'
SRE : Vanlalbiaa Chhangte 30'; David Castaneda Munoz 69'

Sudeva Delhi 1 - 1 Neroca
SUD : Shubho Paul 45+6' (P)
NER : Sergio Mendigutxia 45 +2'

Churchill Brothers 2 - 1 Aizawl FC
CHU : Kenneth Ikechukwu 44'; Komron Tursunov 45+3'
AFC : Samuel Lalmuanpuia 59'

March 25, Zirtawpni
Rajasthan FC 0 - 0 Kenkre