Lewandowski 51 & Bayern - Not Out!

Bayern Munich striker Robert Lewandowski chuan Champions League-a a goal 50-na khungin Bayern Munich chu chiang takin hnehna a chanpui a, Benfica lakah 5-1 a hnehna changin last 16 an lut chiang.

Benfica tlawm laiin Ajax chuan Greece-ah AEK Athens chu fans intihbuaina karah Dusan Tadic goal hnih hmangin 2-0 in an hneh a, Bayern nen last 16 an lut.

Bayern tan Arjen Robben chuan minute 30 chhungin goal hnih a khung a, minute 36-naah Lewandowski chuan Champions League-a a goal 50-na a khung ve zui a, minute 51-naah a goal 51-na a khung leh bawk.

Lewy goal hnih khung karah Gedson Fernandes chuan Benfica tan goal khat khung ve mah se Franck Ribery chuan goal khat khung ve lehin German club an chak chiang.

Cristiano Ronaldo (121) leh Lionel Messi (105) chu Champions League-a goal khung hnem fal nalh an ni a, Polish striker Lewy hi Europe-a club inelna sang bera goal 50 khung thei pasarihna a ni.

Champions League-a
goal 50 khung tlingte
Hming Goal zat
Cristiano Ronaldo 121
Lionel Messi 105
Raul 71
Karim Benzema 59
Ruud van Nistelrooy 56
Robert Lewandowski 51
Thierry Henry 50