Highlanders an kal zel
NorthEast United-in Indian Super League lamah an chet ṭhat an chhawm nung zel a, Thawhlehni zan khan an mikhualna ramah Pune City chu 2-0 a hnehin table lamah pahnihnaah an lawn kai ve leh ta.
Highlanders tan striker rinrawl Bartholomew Ogbeche chuan minute 23-na lekah goal hmahruai a khung a, hun pek belhah Juan Mascia chuan penalty hmanga khung ve lehin an chak chiang.
Pune City-ah Lalchhuanmawia Fanai hmuh tur a awm lo a, Jakob Vanlalhlimpuia chu bench lamah dah tluan a ni thung.
NorthEast United tan inkhel bul ṭan ṭhang Robert Lalthlamuana tan starting XI lamah hmun a awm lo a, Lalrempuia Fanai nen bench lamah hun hmang tluanin K. Lalṭhathanga chu bench aṭanga luhtir a ni.
Zanin Indian Super League-ah inkhel pakhat a awm dawn a, beisei phak lo pahnih Chennaiyin FC leh Kerala Blasters te chu dar 7:30 hian an intawng ang.
South Indian club pahnih hian match riat ve ve khel dun tawhin vawi khat chiah an la chak a, zanin hi insiamṭhatna remchangah hman an tum ang.
# Team Pld W D L GF GA GD Pts
1 Bengaluru 7 6 1 0 13 5 8 19
2 NorthEast United 8 5 2 1 14 8 6 17
3 Goa 8 5 1 2 22 14 8 16
4 Jamshedpur 9 3 5 1 18 12 6 14
5 Mumbai City 8 4 2 2 7 8 -1 14
6 ATK 8 3 2 3 7 8 -1 11
7 Kerala Blasters 8 1 4 3 10 12 -2 7
8 Pune City 9 1 2 6 8 19 -11 5
9 Chennaiyin 8 1 1 6 10 16 -6 4
10 Delhi Dynamos 9 0 4 5 7 14 -7 4