Hun ka mamawh - Vettel

Sebastian Vettel chuan a beisei anga season a hman ṭhat loh thu a sawi a, ngaiawh leh tur chuan hun a la mamawh thu a sawi chhuak. Season liam ta khan Vettel hi driver cham­pion­ship-ah pahnihna a ni.

A vawi nga nan Lewis Hamilton a champion a, heivang hian Vettel-a'n Britain tlangval hi nomawi chawi hnem lamah a tluk lo chiah. Red Bull car a khalh laia vawi li champion tawh hi team ṭha zawka ngaih Ferrari a zawm hnuah a la champion thei rih lo a ni.

German tlangval Vettel chuan, "Kan hun hman liam tak kha ka thlir kir a, holam taka point ka hloh ṭhin kha keima tihsual vang a ni ṭhin. Season chaw­hnu lamah khan nasa taka insiamṭhat ka tum a, mahse a ngaiah bawk ka tlu nawn leh ṭhin," tiin a sawi.

World champion vawi li ni tawh Vettel chuan sawi zawmin, "Kan team hian ruahmanna ṭha tak chu kan nei ngei mai. Amaherawhchu a ti hlawh­tling turin ka che fuh thei lo a ni. Season thar ka nghakhlel a, chutihrualin ka rilru na reh tur chuan chawlh hahdam rih ka mamawh a ni," tiin a sawi.