Leicester-in Saints pet chhuak

Premier League cham­pion hlui Leicester City chuan Carabao Cup quarterfinal lut turin Thawhlehni zan khan an mikhual Southampton chu penalty-ah 6-5 in an hneh a, Manchester City nen semifinal luh inchuh­in an intawng leh ang.

Southampton tan Nathan Redmond leh Manolo Gabbiadini te chuan woodwork an tih per ve ve a, Steven Davis-a goal khung chu Redmond handball vangin video assistant referee chuan a pawm sak lo bawk.

Penalty lamah pawh Saints vanduai a kaltluang a, a pet hmasatu player pangain an pet goal vek hnuah Gabbiadini pet chu Foxes keeper Danny Ward chuan dan sakin Foxes an chak daih.

Leicester City hian Dec 18-ah Man­­chester City chu quarterfinal an khelhpui dawn a, an hmabak a awlsam dawn lo hle.